الددسن انسرق

موضوع: الددسن انسرق الإثنين مارس 17, 2008 1:18 pm

تتعرض الدول الى نكبات وازمات ولكن سرعان ماتعاود ضمد جراحها
تتعرض الدول الى هجمات انتحاريه وتفجيرات ولكن سرعان ماتعاود تحسين اوضاعها
تتعرض الدول الى مجاعات ولكن سرعان مايشترون لشعبهم معلبات ويسمنون
تتعرض الدول الى وجود معارضه ولكن يعطونهم كنود وينطمون
تتعرض الدول الى وجود فئة ضاله ولكن ربعنا يحجرون لوالد والدينهم

ولكن تتعرض ددسنا للسرقه ولااحد فكر فينا
اي منطق هذا اللي يخليهم مايفكرون في ددسنا . هاااااااااااه قولوا لي لااجي وامحطكم من القهر

بس اللي سرق الددسن ياان مزاجه مزاج عبد او انه صعيدي مفطر فول على الصبح او انه اندنوسي مبسوط انه اشترى تأشيرة والا بالله فيه عاقل يسرق الساعه ثنتين ونص الظهريه

لا والدليل ان اللي سرقها حمااااااااااار كبير
انه كانت جنب الددسن فنيلة علاقي منطوله على الارض بقراطيسها ولاسرقها . يعني لو فكر شوي وسرق الفنيلة كان اصرف له من سرقة الددسن <---- اقول والله الظاهر الحمار انت

والمشكلة الكبرى ان راعي الددسن اللي هو أخوي الافدغ كان جاي عليها الساعه 1 الظهر وهو مبسوط محلق لحيته دقن خليجي وطالع كأنه بحريني

بس الظاهر ان هالدقن الخليجي نحس والا بالله من اول مايحلق تخرب بطاقة الصراف حقتي وتنسرق ددسنا

عاد عقب العصر انواع التحريات اللي قمنا فيها انا والزكرت اخواني مسوين بنحجر للحرامي بشوارع الرياض
بس ماش كل تحرياتنا راحت فالصو والمشكلة انا بغينا ننجلد

لقينا لنا ددسن كأنهاا ددسنا ونحوط عليها من كل الجهات ونطلب مسانده من الفرقة الثالثه عشر ( عجب ومحمد خخخخخخخخخ)

وتجينا مسانده وطلب قائد سريتنا ان ننتظر ولكن كان فيه جندي مطفوق من اخواني

نزل بسرعه وراح يركض للدسن ومن السرعه صفق بالصندوق ولكن طلعت ددسن باكستاني وطلعوا علينا الباكستانيين توهم متغدين وناوين حرش وبلعنا العافيه والحمدلله عدنا الى قواعدنا سالمين

ثم اتجهت سرية ( خالد بن الوليد ) بقيادتي ومعي الافدغ راعي الدقن الخليجي وافدغ آخر مايباعد خوينا الخليجي

الى استراحات ورا البديعه وقمنا بالاستطلاع على كل الاماكن المتوقعه وغير المتوقعه حتى اننا دورناها في ثلاجة بيبسي
تعرفون الزمن هذا يجوز فيه اي شيء <---- الله من الدلاخه فيك وفي سريتك يالدلخ

المهم بالأخير قلت مابدهاش لازم اوجه نداء للحرامي عبر النت لعل وعسى ( يسمع بالامل ) /

الى حرامي الساعه ثنتين ونص /

السلام عليكم ورحمة الله .
ياورع يرحم والدينك رجح عقلك ورد موترنا ترى مالنا غيرها ومالها غيرنا

ياورع ابلغت بك الجراءة ان تسرقها من قدام بيتنا . هزلت

ياورع ايرضيك ان اسطوانات الغاز حقت البيت لاتعبى ؟
عاد لو تدري ان لدينا بالبيت احجام عائلية لاتكاد تشبع الا تطلب أكل جديد وبسرقتك هذه تحرمهم من الغاز اللي يسخن الاكل

ياورع ترضى احد يسرق سيارتكم خخخخخـ

اسمع نداء العقل وأنطل الددسن في اي برحه قريبه من بيتنا علشان نشوفها

. يعني ورى بلاط الشهداء والا حتى ورى ثانوية نجد . واذا انت مخربها مرة انطلها ورى الكوبري بس يرحم والدينك لاتروح للنسيم ترى مشوار علينا

ياورع اذا تحب وطنك رجع ددسنا

تاهت الكلمات ياورع وانحجر حلقي وغص لساني وعجزت ان القاك اطلع لي برا واوريك

لو انك سارق دباب شارون والا هايلكس بوش والا ميتين أل بلير كان عذرناك ولكن انت سرقت ددسنا ياخي <--- على هالصياح نشك ان سيارتكم شبح

هل تعرف ماهو معنى ددسن عند العرب ؟
اني اضنك لاتدري وين الله حاطك فيه خخخخخخخـ

وان آخر دعوانا ان الحمدلله نحمده ونستعينه ونستهديه .

كتبه / المسروقه ددسنهم

عاد بالاخير يالربع /
اللي يلقى له ددسن 2005لوحتها ( د ق ح 2 5 2) يعلمني ترى اخوي يمر بحاله نفسيه بحته حتى اني سمعته ناوي يطلق حرمته مع انه ماتزوج

وبالختام خذوا هالحكمه مني /
ابن آدم مسكين . تدعسه التريله يموت خخخخخخخخخخـ

ههههههههههههههههههههه

تصدق أخوي الهاوي أن الموضوع ملحوووووووووووووس

بس فهمت

السالفة صدق ولا من جمبها؟؟

اعذرنا اخوي الراصد ومشكور على مرورك

هههههههههههههههههههه

السالفة ملحوسه بس مفهومة

تشكر أخي